بسم الله الرحمن الرحيم
واحد اسمه خالد جاه مرض و قالوله انه بيموت
كتب الشعر لصديقه يقول له فيه
انه يحب حبيبته و يبي من خويه هذا انه يخليها تنساه
اقرأ القصيده والله تستاهل ... وراح تعرف معنى الحب الصادق...
وصاتــــي لك من بعــدي تمــوت فيها علشانــــي ... ابيهـا تعيـش و تحيـا بـك واظـل بالذاكــره مفقــــود
وصاتــــي لك تنسيها ملامـح وجهي و تنسانــــي ... وتعزفها قصيدة حب على عـكـس اللي عزفته بعـــود
وصاتــــي لك تبعدهــا عن اشعـــاري وقيفانـــي ... تراهــا مغرمــة بالحيل ويشهـــد لي عـــدد الــــردود
وصاتــــي لك تسايرهــا ترى فيهـا من احزانــــي ... طلبتـــك لايضيـــق بـــالك طلبتك والطـــلب مـــــردود
وصاتــــي لك تناديهـا حياتـي..عمـري..ازمانـــي ... انــا عـودتــها دايــــم ادلعهـــــــا وانا موجــــــــــود
وصاتــــي لك تعاملهـــا بطيبــه قلــب و احسانـي ... تـــــراها تذرف الدمعـــــه ودمعتها بليٌــــــا حـــــدود
وصاتــــي لك تحفظهــا ســــور وآيــات قرآنـــي ... وتخبـــــرها عــن الميــــت رحــل لايمكنـــه بيـــــعود
وصاتــــي لك ترسمهــــا على قبري وأكفانــــي ... ابيـها لوحــة تبقــى علـــى طـــول الزمن محـــــــدود
وصاتــــي لك تمازحها وتشوف الضحكة بأسناني ... سعيتـــــك ياضحــــك هالكون طلبتك لاتصير جلمـــود
وصاتــــي لك تقهويهـا من دلالي و فنجالـــــــي ... تراهـــا تعشـــق السمــرا ويكفيهـا دخـــون العـــــــود
وصاتــــي لك تركبها على خيلي وعلى حصانـي ... وربــي فـــارسـة من قلــب شهـــادة ماهي لشهــــود
وصاتــــي لك تسفرهــا بلاد الشــــام و لبنانـــي ... ترى يحـلالهـــــا تقطــــــف ورده من بلــــــد الـــــورود
وصاتــــي لك تراقصهــا على الحـــان رحبانـــي ... ترى فيـهــــا عـــرق خـالـة وفيهــا من جنون الســـــود
وصاتــــي لك تحببهـــا فأبونورة بعــد هانــــي ... وتنسيهـــا نـــدم غلطــــة انا فيهـــــا تــرى المقصــــود
وصاتــــي لك تكرهها في تاريخــي و عنوانــي ... أبيهـــا تلعن اللحظـــة وتلعــن كـــل فــــرح موعــــــود
وصاتــــي لك تكلمهـا عن المجنـي وعن الجانـي ... وتخلينــــي انا الظالـــــم وانــــا من حـــــرق الاخــــدود
وصاتــــي لك تشبهنـــي بـــدم أحمـــر قانــــي ... وانـــا هالقــاتــل السفـــاح مجــــرم من عصـــر نمــــرود
وصاتــــي لك تحلفها تتـــــوب تحبنــــي ثانـــي ... ترى يكفيهــــا ماعـــانت ويكفــــي حيلهـــــــا مهـــدود
وصاتــــي لك تنسيهـا وصيـة قالهــا لسانــــــي ... أنــا اخبـــرك رجـــل موقـــف وانــت قـــدهـا وقــــــدود
صديــقي مالقيــت غيـــرك يعرف وشلون تنساني ... أمـــــانـه ضمهـــا بقلبــك ترى خــــالـد رحـل مايعــــود
الثلاثاء مايو 27, 2008 7:54 am
